April 17, 2024

Warning: sprintf(): Too few arguments in /www/wwwroot/customessayonline.com/wp-content/themes/chromenews/lib/breadcrumb-trail/inc/breadcrumbs.php on line 253

وس کے دارالحکومت ماسکو کے مضافات میں کروکس سینٹر میں ایک کنسرٹ میں ہونے والے خوفناک دہشت گردانہ حملے کے بعد روس کے ایک شہر میں بم کی اطلاع کے بعد کھلبلی مچی ہوئی ہے۔

سوٹ کیس میں بم

روسی میڈیا نے ماسکو کے شیریمیٹیو ہوائی اڈے پر ایک مسافر کی گرفتاری کی اطلاع دی جس نے اپنے بیگ میں بم کا دعویٰ کیا تھا۔

ذرائع نے مزید کہا کہ حکام نے طیارے میں بم کی موجودگی کی اطلاع کے بعد ماسکو سے یریوان کے لیے پرواز کو موخر کردیا۔

انہوں نے مزید کہا کہ پولیس جائے حادثہ پر موجود تھی۔ ضروری اقدامات کیے گئے ہیں تاہم اس کی مزید تفصیلات سامنے نہیں آئیں۔

تجارتی مرکز میں بم کی اطلاع

دریں اثناء روسی میڈیا نے بتایا کہ سینٹ پیٹرزبرگ کے ایک مال کو بم کی اطلاع کے بعد خالی کرالیا گیا ہے۔ سکیورٹی فورسز بموں کے لیے مال کی تلاشی لے رہی ہیں۔

اس نے تصدیق کی کہ سینٹ پیٹرزبرگ کے ایک شاپنگ سینٹر میں بم کی اطلاع کے سلسلے میں ایک شخص کو گرفتار کیا گیا ہے۔

یہ پیش رفت اس وقت سامنے آئی جب گذشتہ روز ماسکو میں ایک کنسرٹ پر ہونے والے حملے کے بعد آج ملک بھر میں پرچم کو سرنگوں کیا گیا۔ اس حملے میں جمعہ کو کروکس سٹی ہال کمپلیکس میں ہلاک ہونے والے 150 سے زائد افراد کی یاد میں ملک بھر میں سوگ منایا جا رہا ہے۔

جمعہ کی شام ماسکو کے مضافات میں واقع کروکس سینٹر پر متعدد مسلح افراد نے دھاوا بول دیا اور ہال میں موجود سامعین پر قریب سے فائرنگ کی جس کے نتیجے میں 152 سے زائد شہری ہلاک ہو گئے۔

روسی فیڈرل سکیورٹی سروس نے کہا کہ اس کے ڈائریکٹر الیگزینڈر بورٹنیکوف نے صدر ولادیمیر پوتین کو 11 افراد کی گرفتاری سے آگاہ کیا جن میں 4 دہشت گرد بھی شامل تھے جنہوں نے کروکس شاپنگ سینٹر پر حملے میں براہ راست حصہ لیا۔

جبکہ روسی صدر ولادیمیر پوتین نے کل ہفتے کو ایک ٹیلی ویژن تقریر میں اعلان کیا کہ ابتدائی معلومات سے پتہ چلتا ہے کہ یوکرین کی جانب سے حملے کے مرتکب افراد کے لیے سرحد پار پر راستہ بنانے کی کوشش کی جا رہی تھی۔ انھوں نے وعدہ کیا تھا کہ حملے کے پیچھے ملوث ہر ایک کی شناخت کرکے انہیں کیفر کردار تک پہنچایا جائے گا۔ انہوں نے چوبیس مارچ کو ملک میں قومی سوگ کااعلان کیا ہے۔

Leave a Reply

Your email address will not be published. Required fields are marked *